الـقـصة الـكـامـلـة لـوفـاة (( صــــعـــــوه )) الله يرحمه

السلام عليكم


بدون اي مقدمات هذي القصة الكاملة لوفاة صعوه الله يرحمه وارجو انكم تتعظون وتعتبرون منها

عبدالعزيز الله يرحمه في اخر شهر من حياته كان يمشي معنا انا واخوياي والرجال بادي يرركد بعد ما جاء بدر عوض ينصحه وبعد قلبتة بالكورلا في غروب الضيافة بعدها صار حريص على الصلاة وكان ما يخش الا وهو مصلي وحتى مره كان خاش على الزوم وكان كاتب ورا لعيون حديد وبس الكل يحضر الدرس وكان خاش الظهر يوم اذن العصر وقف وراح وقف عند مسجد والسيارة بلزقاتها وعباراتها وصلى حتى هو اللي مصلي بنا الله يرحمه وكان يقولي : وقسم بالله اني قبل ما اخذ اي شوط اني اتشهد
لكن ما اقول الا حسبي الله على الي يستأجر له لأنه هو اللي يجيب الأجارات لصعوه ويقوله فحط وصعوه الله يرحمه بعد ما خش على الزوم درى ابوه انه خاش ابوه جاه انهيار وتعب لأنه كان يخاف على عبدالعزيز وجاء صعوه لأبوه وقاله خلاص ان شاء الله اني منيب مفحط ومن بكره جاء اللي يستأجر لصعوه وقاله هذي اللومينا خش عليها كرشه صعوه قاله منيب خاش وجلست اللومينا مع المستأجر 4 ايام ثمن رجعها للمكتب ومن بكرة استأجرها لصعوه وقاله امش خلنا نحضر هجوله عليها ولا تفحط بس نبي نحضر (( الله يلعنك يا المستأجر )) المهم حضرو في مستودعات الشفا وكان خاش احد الطارات على لانسر وكان صعوه يعرفه من فترة قريبه يوم خلص شوط الطاره اللي خاش جاء ووقف عند صعوه وقاله : هاه خذ شوط قال صعوه لا والله انا مركد قاله الطاره اللي خاش يا رجال شوط قال صعوه والله معليش انا مركد وما أمدا الطاره يقفل قزازته الا وصعوه الله يرحمه راح يشد العزم وعطاها الأولى والثانية وكان قدامة فيه شيول صغير ويوم عدلها الا وتلفط به على الشيول من عند بابه ومن قوة القبعة طاح الله يرحمه في الشارع وجاه واحد وذكره بالشهادة وتشهد الله يرحمه
وواحد من اللي يغسلون في مغسلة الدريهمية يقول انه كان رافع السبابة وهذي دلالة على الخير ان شاء الله وخاله يقول لأبوي انه كان بيودي أمه يعتمر بها وجاها انهيار لما درت بالسالفة والوصخ اللي مستأجر السياره للصعوه راح بلغ ان اللومينا مسروقة وقال ان صعوه الله يرحمه واخوياه هم اللي جو وطقوني وخذوها مني غصب والوصخ الطاره اللي كان خاش معه خش من بكره وكأنه ما شي صار



لكن ما اقول الا الله يرحمك ياصعوه ويسكنك فسيح جناته

ولاتنسون تدعون له بالرحمة والمغفرة


الهجولة خذت منا : صعوه _ الشراري _ برغش _ جازورا _ المالكي إخوان _ صويريرة _ جلعود _ شهلوب _ وليد اليحيى ................. ياترى الدور الجاي على من !!!؟؟؟